Төрийн байгуулалтын байнгын хороо хуралдаж Халдашгүй байдлын дэд хороо болон Хууль зүйн байнгын хорооноос гаргасан санал дүгнэлтийн адилаар УИХ-ын гишүүн Ё.Баатарбилэг, Х.Ганхуяг, Н.Алтанхуяг, Г.Амартүвшин гишүүдийн бүрэн эрхийг түдгэлзүүлэх шаардлагагүй гэж үзсэн.
Яг одоо уг асуудлыг УИХ-ын нэгдсэн чуулганы хуралдаанд оруулж хэлэлцүүлж байгаа билээ. Чуулганы нэгдсэн хуралдаанаар уг асуудлыг хаалттай хэлэлцэх бөгөөд учир нь прокурорын байгууллагаас санал оруулж ирэхдээ албаны нууц гэж үзэн хаалттай байдлаар оруулуулсан байна.
Хаалттай хэлэлцэх чуулганы хуралдаанд дөрвөн гишүүн тус бүр дээр нууц санал хураалт явуулах талаар эх сурвалж мэдээллээ.