Төрийн байгуулалтын байнгын хороо дөнгөж сая УИХ-ын гишүүн Ё.Баатарбилэг, Х.Ганхуяг, Н.Алтанхуяг, Г.Амартүвшин нарын бүрэн эрхийг түдгэлзүүлэх асуудлыг хэлэлцэж дууссан байна. Хаалттай хуралдсан уг хурлаас Халдашгүй байдлын дэд хороо болон Хууль зүйн байнгын хорооноос гаргасан санал дүгнэлтийн адилаар гишүүдийн бүрэн эрхийг түдгэлзүүлэх шаардлагагүй гэж үзжээ.
Одоо Төрийн байгуулалтын байнгын хорооноос гаргасан уг санал дүгнэлтийг УИХ-ын нэгдсэн чуулганы хуралдаанд оруулж хэлэлцүүлэх юм. Чуулганы нэгдсэн хуралдаанаар уг асуудлыг хаалттай хэлэлцэх юм байна. Учир нь прокурорын байгууллагаас санал оруулж ирэхдээ албаны нууц гэж үзэн хаалттай байдлаар оруулуулсан юм.
