Украины Ерөнхийлөгч Владимир Зеленский Орос улс Украин руу 4700 гаруй пуужин харвасан гэж Ням гарагт мэдэгджээ.
"Өнөөдөр өргөн цар хүрээтэй дайны 270 дахь өдөр. Оросууд энэ хугацаанд 4700 гаруй пуужин харваад байна. Манай хэдэн зуун хот зүгээр л үнсэн товрог болсон. Олон мянган хүн амь үрэгдлээ. Хэдэн зуун мянган хүн Орос руу албадан цөлөгдөв. Олон сая хүн дайнаас зугтахын тулд Украиныг орхин бусад улс руу явсан. гэж Зеленский энэ мэдэгдэлдээ дурджээ.
Түүнчлэн дайны улмаас доод тал нь Украины 5 сая хүн дажилгүй болсон гэж тус улсын Эдийн засгийн дэд сайд Татьяна Бережная Польш-Украины эдийн засгийн форумын үеэр мэдэгдэв
Тэрээр "Дайн Украины хөдөлмөрийн зах зээлийг сүйрүүлж байна. 10 сая хүн ажиллаж байсан хөдөлмөрийн тэр талбарт тулалдаан үргэлжилсээр байна" гэж Бережная хэлэв.
Харин түүний хэлснээр, дайны улмаас 7 сая орчим хүн Украиныг орхин гарсан гэжээ. Тодруулбал, өдгөө 1.5 сая украинчууд түр хамгаалалтын хөтөлбөрийн дагуу Польшид байгаа аж.
Эх сурвалж: ВВС