ОХУ-д хоёр дахь ээлжийн хэсэгчилсэн дайчилгаа явуулах талаар удирдлагын түвшинд хэлэлцээгүй байна гэж Кремлийн албан ёсны төлөөлөгч Дмитрий Песков хэвлэлийнхний асуултад хариулахдаа мэдэгдэв.
Түүний хэлснээр, одоогоор "энэ асуудлаар ямар нэг яриа хийгдээгүй байна." гэж хэлсэн ч тэрээр ОХУ-ын Батлан хамгаалах яамны өмнөөс мэдээлэл хийх үг хэлэх боломжгүй гэжээ.
10-р сарын 28-нд Батлан хамгаалахын сайд Сергей Шойгу ОХУ-ын Ерөнхийлөгч Владимир Путинд ОХУ-д хэсэгчилсэн дайчилгаа дууссан тухай тайлагнасан юм. Түүний хэлснээр, хэсэгчилсэн дайчилгаанд 300 мянган цэрэг элсүүлэх зорилт биелсэн байна. Дайчилгаатай холбоотой арга хэмжээг есдүгээр сарын 21-нээс эхлэн зохион байгуулсан юм.
Арваннэгдүгээр сарын 4-нд Путин цэргийн тусгай ажиллагааны хүрээнд 318 мянган хүн дайчлагдлаа гэж мэдэгдсэн. В.Путин Үндэсний эв нэгдлийн өдрөөр залуучууд болон сайн дурын байгууллагын гишүүдэд хандан "Манайд 318 мянга байна. Яагаад 318 гэж? Яагаад гэвэл тэд сайн дурынхан. Сайн дурынхны тоо буурахгүй байна" гэж хэлжээ.
Арваннэгдүгээр сарын 7-нд ОХУ-ын Ерөнхийлөгч цэргийн тусгай ажиллагааны бүсэд дайчлагдсан 80 мянга орчим иргэн байгаагаас 50 мянга орчим нь байлдааны ажиллагаанд оролцож байна гэж мэдэгдсэн юм.
Эх сурвалж: Interfax.ru. Lenta.ru