УИХ-ын нэр бүхий 4 гишүүний бүрэн эрхийг түдгэлзүүлэх асуудлаар УИХ хаалттай хуралдаж эхэллээ. ХЗБХ-ны гишүүн Б.Энхбаяр байгнын хороонхоо хуралдаанд оролцсоныхоо дараа сэтгүүлчдэд хэлэхдээ: Ерөнхий прокурор “Нууцын зэрэглэлтэй” гэж асуудлыг оруулж ирээд УИХ, иргэдийг хоёр талцуулж байна. Дөрвөн гишүүний асуудлыг нууцаар хэлэлцэх шаардлага алга. Хаалттай хуралдвал улам л их хардлага үүснэ. Энэ асуудлыг хаалттай биш нээлттэй хэлэлцэх ёстой юм байна.
Тэнд ард түмнээс нуугаад байх юм алга. Нээлттэй хэлэлцвэл хэн хэн ямар байр суурьтай байна гэдгийг бүгд харна. УИХ-ын гишүүд хаалттай хуралдаанд суухаараа үг хэлэх эрх чөлөөгөө хумиулаад байна. ЖДҮ-ийн асуудал нээлттэй л явагдсан. Цаашдаа Ерөнхий прокурор иймэрхүү асуудлыг нээлттэй оруулж ирэх шаардлагатай юм байна гэсэн хатуу байр суурьтай байна. Нууцын зэрэглэлтэй хуралдахаар УИХ болон Монголын ард түмний дунд ан цав үүсгээд байна" хэмээлээ.
