Их Британийн Ерөнхий сайд Риши Сунак Киевт Ерөнхийлөгч Владимир Зеленскийтэй уулзахдаа Украинд батлан хамгаалахад зориулж 50 сая фунт стерлингийн тусламж үзүүлэхээ амлав. Сунак Ерөнхий сайдын хувиар Украины нийслэлд анх удаа айлчилж байгаа нь энэ юм.
Тусламжийн багц нь Оросын агаарын довтолгоог эсэргүүцэх зорилготой юм. Цэргийн тусламжид 125 зенитийн буу, Иранаас Орост нийлүүлж буй дроны довтолгооноос хамгаалах технологи, тэдгээрийн дотор радар, нисгэгчгүй онгоц эсэргүүцэх олон арван электрон байлдааны хэрэгсэл багтсан байна.
"Украины Зэвсэгт хүчин Оросын цэргийг байлдааны талбараас ар тийш нь ухрааж байгаа энэ үед энгийн иргэд Оросуудын харгис хэрцгий агаарын довтолгоонд хохирч байна. Тиймээс өнөөдөр бид агаарын довтолгооноос хамгаалах зэвсэг, радар, нисгэгчгүй нисэх төхөөрөмж зэрэг агаарын довтолгооноос хамгаалах шинэ төхөөрөмжөөр хангаж, хүмүүнлэгийн тусламжийг нэмэгдүүлж байна. "Ирэх өвөл хүйтэн, ширүүн болно" гэж Их Британийн Ерөнхий сайд хэлэв.
Риши Сунак мөн Их Британи Украины цэргийн сургалтын хөтөлбөрийг өргөжүүлж, армийн туршлагатай эмч, инженерүүдийг тус бүс нутагт илгээж, тусгай дэмжлэг үзүүлэх болно гэж мэдэгдэв.
Тодоттгоход, арваннэгдүгээр сарын эхээр Их Британийн Батлан хамгаалахын сайд Бен Уоллес Украинд мянга гаруй зенитийн пуужин нийлүүлэхээ мэдэгдсэн юм.
Украины албаныхны мэдээлснээр Оросын агаарын довтолгоо тус улсын эрчим хүчний дэд бүтцийн бараг 50 хувийг сүйрүүлсэн гэж үзвэл Риши Сунак Киевт агаарын довтолгооноос хамгаалах хүчин чадалд тусална гэсэн амлалт нь ерөнхийлөгч Зеленскийн сонсохыг хүсч байсан зүйл юм.
"Дайны эхний өдрүүдээс Украин, Их Британи хоёр хүчирхэг холбоотон байсан. Өнөөдрийн уулзалтаар бид улс орныхоо болон дэлхийн аюулгүй байдлын хамгийн чухал асуудлуудыг хэлэлцлээ. Бид хамтдаа илүү хүчтэй бөгөөд хүссэн үр дүндээ хүрэх болно" гэж Зеленский хэлэв. Facebook дээр бичжээ.
Эх сурвалж: ВВС