Америкийн бизнес эрхлэгч, Твиттерийн шинэ эзэн Илон Маск АНУ-ын ерөнхийлөгч асан Дональд Трампын олон нийтийн сүлжээн дэх хаягийг сэргээнэ гэдгээ мэдэгдлээ.
"Ард түмэн шаардаж байгаа. Трампын хаягийг сэргээх болно" гэж Маск бичжээ.
Маск өмнө нь твиттер хуудсаараа дамжуулан олон нийтийн сүлжээнд экс ерөнхийлөгчийн хаягийг сэргээх эсэх талаар санал асуулга явуулж байсан юм. Судалгаанд 15 сая гаруй хэрэглэгч оролцсоноос 51.8 хувь нь сэргээн засварлахыг дэмжсэн бол 48.2 хувь нь эсрэг санал өгсөн байна.
Сануулахад, Трампын твиттер хаягийг 2021 оны нэгдүгээр сарын 8-нд бүрмөсөн хаасан юм. Түүнчлэн Цагаан ордны тэргүүн асан хэд хэдэн томоохон газруудад үг хэлэх боломжоо алдаж байв. Бүгд найрамдах намын дэмжигчид Капитолд зохион байгуулсан үймээний дараа энэхүү шийдвэрийг гаргасан юм. Жагсаалын улмаас таван хүн амиа алдаж, олон арван хүн баривчлагдаж байв.
Эх сурвалж: Лента.ру