Украины Засгийн газрын сайтад Ерөнхий сайд Денис Шмыгал, Европын Комиссын Гүйцэтгэх дэд ерөнхийлөгч Валдис Домбровскис нар уулзсаны дараа энэ тухай мэдээлжээ. Мэдээнд дурдснаар дайн эхэлснээс хойш Украинд дэлхийн улс орнууд, хандивлагчдаас 23 тэрбум ам.долларын санхүүгийн тусламж үзүүлжээ.
Эдгээрээс хамгийн том хандивлагчид нь АНУ 8.5 тэрбум доллар, Европын холбоо 4.8 тэрбум доллараар тэргүүлж байна. Бусад хандивлагчдын тоонд ОУВС зэрэг олон улсын байгууллагууд багтаж байна.
Эдгээр тусламжийн сангууд нь цэргийн зардалд зориулагдаагүй бөгөөд төрийн албан хаагчид, тэтгэвэр авагчид, цагаачид, татаас хүлээн авагчдын цалинд зарцуулагдсан ажээ.
Украины засгийн газар тус улсад 2023 онд 38 тэрбум долларын тусламж хэрэгтэй болно гэж үзэж байна.
Эх сурвалж:ВВС