Ирак дахь КАН-ын сургуулилт
Туркийн эрх баригчид ням гаригт Истанбул хотын хамгийн хөл хөдөлгөөнтэй гудамжуудын нэгэнд болсон дэлбэрэлтийг курдийн салан тусгаарлагчид үйлдсэн гэж мэдэгдлээ. Гэхдээ одоогоор ямар нэгэн бүлэглэл үүний хариуцлагыг хүлээгээгүй байна.
Истиклал өргөн чөлөөнд болсон дэлбэрэлт арваннэгдүгээр сарын 13-ны ням гарагт орон нутгийн цагаар 16:20 цагийн орчимд болсон байна. Үүний улмаас зургаан хүн нас барж, 80 гаруй хүн шархаджээ. Хохирогчдын хоёрынх нь биеийн байдал хүнд байгаа аж.
Энэ үйл явдлыг террорист халдлага гэж нэрлэж байна. Одоогийн байдлаар үүнийг бэлтгэж, хэрэгжүүлэх гэж байсан 22 сэжигтнийг саатуулаад байгаагийн дотор тэсрэх бөмбөгийг дэлбэлсэн этгээдийг албаныхан мэдээлэв.
Туркийн цагдаагийн газрын мэдээлснээр энэ нь эмэгтэй хүн байсан ч энэ талаарх эцсийн баталгаа хараахан гараагүй байна.
Туркийн Дотоод хэргийн сайд Сулейман Сойлу даваа гарагт "Хэрэв бид дэлбэрэлтэнд оролцсон хүмүүсийг саатуулаагүй бол тэд өнөөдөр Грек рүү зугтах байсан" гэж мэдэгджээ.
Туркийн хувилбар
Дотоод хэргийн сайд Истанбулд халдлага үйлдэх заавар нь Курдын зэвсэгт босогчдын нэг бааз байрладаг Сирийн хойд хэсэгт орших Кобани хотоос ирсэн гэж мэдэгджээ.
Өнгөрсөн хугацаанд Туркийн арми Кобане хотод Курдистаны Ажилчны намын (ПКК) дайчдын жигүүр гэж нэрлэдэг зэвсэгт бүлэглэлийн эсрэг олон удаа тусгай ажиллагаа явуулж байсан.
Туркийн телевизүүд хөл хөдөлгөөн ихтэй өргөн чөлөөний голд цэцгийн мандал дээр хэн нэгэн боодол үлдээж буй бичлэгийг үзүүлжээ. Сэжигтэн Сирийн хойд хэсгийн Африн хотоос Туркт ирсэн гэж Туркийн Дотоод хэргийн яам мэдээлэв.
Анкара яагаад курдуудыг буруутгаж байгаа вэ?
Өнгөрсөн хугацаанд Туркийн хотууд удаа дараа халдлагад өртөж байсан бөгөөд үүний хариуцлагыг Турк, Сирид Курдын автономит улс байгуулахын төлөө тэмцэж буй Курдистаны ажилчны нам /КАН/ хүлээсэн юм.
2015-2017 онд Турк улс олон зуун хүний аминд хүрсэн бүхэл бүтэн цуврал террорист халдлагад болж байв. Энэ хугацаанд КАН хоёр халдлага үйлдсэний хариуцлагыг өөртөө хүлээсний нэг нь 2016 оны арванхоёрдугаар сард болсон 38 хүн амиа алдаж, 155 хүн шархадсаны 20 нь цагдаа нар байв.
Хамгийн сүүлд 2017 оны нэгдүгээр сарын 1-ний шөнө Истанбул хотод Калашников автомат буугаар зэвсэглэсэн этгээд Босфорын хоолойн далайн эрэг дэх шөнийн цэнгээний газарт нэвтэрч, хүмүүс рүү гал нээсэн томоохон террорист халдлага болсон юм. Халдлагын улмаас 39 хүн амиа алдаж, 69 хүн шархаджээ.
Ням гарагт Истиклалд болсон дэлбэрэлт нь шинэ цуврал халдлагын эхлэл болох вий гэж Турк болгоомжилж байна.
Эх сувалж: ВВС