Украины Ерөнхийлөгч Владимир Зеленский Херсон хотыг Украины цэргүүд чөлөөлсний дараа тэнд айлчилсан тухай Ройтерс агентлаг мэдээлэв. Харин Зеленскийн Херсонд хийсэн айлчлалын талаар Кремль ямар ч тайлбар хийгээгүй байна.
Сэтгүүлчид ОХУ-ын Ерөнхийлөгчийн хэвлэлийн нарийн бичгийн дарга Дмитрий Песковоос Зеленскийн Херсонд хийсэн айлчлалыг хэрхэн үнэлж байгааг асуув. "Бид үүнийг тайлбаргүйгээр үлдээж байна. Энэ бол ОХУ-ын нутаг дэвсгэр гэдгийг та мэднэ" гэж Кремлийн хэвлэлийн төлөөлөгч мэдэгджээ.
Орос улс өнгөрөгч 10 дугаар ард Херсон муж болон Украины өөр гурван бүс нутгийг өөртөө нэгтгэж байгаагаа зарласан билээ. Гэвч одоо Украинчууд эргэн ирж байгаа нь энэ. Өнгөрсөн долоо хоногт Оросын арми тус хотоос цэргээ гаргаснаа зарласан. Кремль үүнтэй зэрэгцэн Херсон болон бүс нутгийг Оросын нэг хэсэг гэж нотолсоор байгаа бөгөөд Украмэы армийн давшилтын үр дүнгээс үл хамааран Херсоны статус өөрчлөгдөхгүй гэж мэдэгдсээр байгаа юм.
Зеленский чөлөөлөгдсөн Херсон хотод зочилж, Оросын эсрэг дайнд дэмжлэг үзүүлсэн НАТО болон бусад холбоотнуудад талархал илэрхийлэв. Тэрбээр "Бид урагшилж байна. Бид энх тайвны төлөө, манай улсын амар амгалан байдлын төлөө бэлэн байна." гэж хэлэв.
Үүнтэй зэрэгцэн Америкийн дайн судлалын хүрээлэн Херсон мужийн баруун хэсгийг чөлөөлөх ажиллагаа амжилттай болсныг Украины арми АНУ-аас нийлүүлсэн ХИМАРС системийг ашигласантай холбон тайлбарлаж байна. Энэхүү өндөр нарийвчлалтай пуужингийн системийг Оросын хангамжийн шугамыг устгахад ашигласан бөгөөд эцэст нь Оросын командлал хэдэн арван мянган цэргийн албан хаагчдыг Днепр мөрний нөгөө эрэг рүү татахад хүргэсэн гэжээ.
Херсон хотод Зеленский хотын төв талбайд цугларсан хүмүүст хандаж, хотыг чөлөөлсөнд баяртай байгаагаа хэлэв. Украины арми цаашид хаашаа урагшлах боломжтойг асуухад тэрээр "Бид Москва биш... Бид өөр улсын нутаг дэвсгэрийг сонирхдрггүй" гэж хариулжээ.
Өмнөх өдөр нь Украины Ерөнхийлөгч оройн видео илгээлтдээ Оросын цэргүүдийн орхисон Херсон мужид 400 гаруй дайны гэмт хэрэг үйлдэгдсэн талаар мөрдөн байцаагчид мэдээлсэн гэж мэдэгдсэн юм.
Эх сурвалж: ВВС