ОХУ Алс Дорнодын Нижнеленинское хотыг БНХАУ Тунзян боомттой нарийн царигийн төмөр зам бүхий гүүрээр холболоо.
Амар мөрөн дээгүүр тавигдсан 2.2 км урттай уг гүүр нь өргөн, нарийн /1520, 1435 мм/ цариг хослуулж тавьснаараа онцлогтой.
Өчигдөр тус гүүрээр анхны галт тэрэг явсан бөгөөд ёслолын ажиллагаанд ОХУ-ын Ерөнхийлөгчийн Алс Дорнодын холбооны тойрог дахь төлөөлөгч Юрий Трутнев оролцсон байна. Тэрээр хэлсэн үгэндээ БНХАУ-тай нарийн царигаар холбогдсоноор экспорт нэмэгдүүлэх шинэ гарц нээгдэж байна хэмээн онцолжээ.
Уг гүүрийг барьж байгуулахад 12 тэрбум рубль зарцуулжээ. Монголыг БНХАУ-тай нарийн царигаар холбох ажил олон жил “гацаж” байх зуурт ОХУ ийнхүү өрсөж, экспорт саадгүй явуулах гарцаа нээв.
