Арваннэгдүгээр сарын 15-16-нд Индонезийн Бали аралд болох "Их 20"-ийн дээд хэмжээний уулзалтад ОХУ-ын Ерөнхийлөгч Владимир Путин оролцохгүй гэдгээ мэдэгдсэн. Харин түүний оронд ОХУ-ын Гадаад хэргийн сайд Сергей Лавров Оросын төлөөлөгчдийг тэргүүлнэ. Энэ тухай Индонез дэх ОХУ-ын Элчин сайдын яамны хэвлэлийн атташе Александр Тумайкинд хэлснийг РИА агентаг иш татжээ.
Тэрээр “Оросын төлөөлөгчдийг Гадаад хэргийн сайд Сергей Лавров ахлана” гэж мэдэгдэв.
Өмнө нь Индонезийн эрх баригчид ОХУ-ын Ерөнхийлөгч В.Путин Балид болох "Их 20"-ийн дээд хэмжээний уулзалтад оролцохгүй гэсэн мэдээллийг баталж байсан юм. Индонезийн Далайн тээвэр, хөрөнгө оруулалтын яамны хэвлэлийн төлөөлөгч Жоди Махардын хэлснээр Путиныг ОХУ-ын Гадаад хэргийн сайд Сергей Лавров төлөөлөх бөгөөд тэрээр уулзалтуудын аль нэгэнд виртуаль байдлаар оролцох юм байна.
Эх сурвалж: Лента.ру
