Урьдчилсан байдлаар Бүгд найрамдах нам АНУ-ын Конгрессын Төлөөлөгчдийн танхимд 220 суудал авч, өрсөлдөгчдөөсөө давжээ. Харин Ардчилсан нам 215 суудал авсан тухай NBC News мэдээлэв.
Түүнчлэн CBS телевизийн урьдчилсан мэдээгээр сонгуулийн үр дүнд Төлөөлөгчдийн танхимын хяналт Бүгд найрамдахчуудад шилжиж магадгүй байна. Одоогийн байдлаар Конгрессын хоёр танхимыг Ерөнхийлөгч Жо Байдены Ардчилсан намынхан хянаж байна.
Тодруулбал, одоо Ардчилсан нам парламентад 220, Бүгд найрамдахчууд 212 суудалтай. Олонхи болохын тулд нам 218 суудалтай байх ёстой. Өөрөөр хэлбэл, Бүгд найрамдахчууд санаачлагыг гартаа авахын тулд эдгээр сонгуульд ердөө зургаахан мандат нэмж авах шаардлагатай байсан юм. Хэрэв урьдчилсан тооллогын дүн цаашид хэвээр гарвал Төлөөлөгчдийн танхимд Бүгд найрамдахчууд олонхи болно гэсэн үг. 
Энэ удаад Бүгд найрамдахчуудын гаргасан хамгийн таамаглалаас давсан үр дүн гэвэл Флорида мужийн губернатор ДеСантисын ялалт байлаа. Тэрбээр Ардчилсан намын өрсөлдөгчөөсөө бараг 20 хувиар илүүрхэж, мужийн хүн амын бараг гуравны нэг болох испаничуудын саналын үнэмлэхүй олонхийг авсан байна.
Түүнийг 2024 оны Ерөнхийлөгчийн сонгуульд өрсөлдөх магадлалтай хүний нэгээр нэрлэдэг бөгөөд улстөрчийн хувьд энэ ялалат нь ДеСантисийн ерөнхийлөгчийн амбицыг улам бататгах гайхалтай үр дүн гэж байна.
Сонгуулийн тооцооллыг бодит цаг хугацаанд хийж байгаа бөгөөд эцсийн мэдээлэл хараахан гараагүй байна.
Ардчилсан намаас Төлөөлөгчдийн танхимын одоогийн дарга Нэнси Пелоси Конгресст орж магадгүй гэж тус суваг мөн таамаглаж байна.
АНУ-ын Конгрессын завсрын сонгуулийн санал хураалт зарим мужид, тухайлбал, Индиана, Кентакки мужийн зарим дүүрэгт орон нутгийн цагаар 18.00-д болж дуусав. 
Бүгд найрамдахчууд ялбал Жо Байдены засаг захиргааны ихэнх санаачилгыг хааж эхэлнэ
Жишээлбэл, Бүгд найрамдахчууд холбооны шүүгчид ерөнхийлөгчийн нэр дэвшүүлэхийг хориглох, тэр байтугай Капитол руу дайрсан хэргийг мөрдөн шалгахыг эсэргүүцэх, эсвэл Афганистанаас АНУ-ын цэргийг гаргасан, түүнчлэн Мөн Дональд Трампын гэрт нэгжлэг хийх явцад эрх мэдлээ урвуулан ашигласан гэх мэт асуудлуудад мөрдөн байцаалт явуулахыг оролдох магадлалтай.
Санал хураалтын дүнгээр Төлөөлөгчдийн танхимын 435 гишүүнийг , Сенатын гуравны нэг нь сонгогдоно. Үүнээс гадна 36 муж, АНУ-ын хилийн чанад дахь гурван нутаг дэвсгэрийн захирагч нар сонгогддог.
ОХУ америкийн завсрын сонгуулийг анхааралтай ажиглаж дүн шинжилгээ хийж байгаа гэж мэдээлсэн. Кремлийн хэвлэлийн төлөөлөгч Песков энэ талаар "Энэ сонгуулийн үр дүн нь чухал боловч ойрын болон дунд хугацаанд бидний харилцаанд чухал ач холбогдолтой гэж хэтрүүлэн үзэх шаардлагагүй. Хоёр орны харилцаа таагүй хэвээр байх болно" гэж хэлэв .
Эх сурвалж: ВВС. АиФ-аас тоймлов
