Засгийн газрын өнөөдрийн хуралдаанаас гаргасан шийдвэрийг танилцуулж байна.
БШУ-ны сайд Л.Энх-Амгалан "Цэцэрлэгийн хүртээмжийг сайжруулж, сугалааны тогтолцоог бүрэн халах хүрээнд зарим шийдвэрийг өнөөдрийн хуралдаанаар гаргалаа. Улаанбаатар хотод өнөөдрийн байдлаар 752 цогцолбор барилга баригдаж байна. Үүний зөвхөн 0,02 хувь цэцэрлэгтэй баригдахаар төлөвлөгдсөн. Иймээс цаашид цэцэрлэгийн хүртээмжийг сайжруулах үүднээс тухайн хороолол, орон сууцны зураг төсөлд цэцэрлэг төлөвлөгөөгүй бол зураг төслийг батлахгүй байх, барих зөвшөөрөл олгосон, ашиглалтад хүлээн авсан албан тушаалтнуудад хуулийн дагуу хариуцлага хүлээлгэнэ.
Энэ хүрээнд барилга байгууламжийн газар олголт, барилгажилтын төсөл, загвар зураг төслийг баталгаажуулахад цэцэрлэгийн барилга байгууламжийн зураг төсөл ТЭЗҮ-г норм дүрмийн хангаж ажиллах Засгийн газрын тогтоол гарлаа. Мөн яамнаас Боловсролын салбар дахь газрын тооллого хийсэн. МУ-д өнөөдөр 680 орчим төрийн өмчийн сургууль, 500 гаруй цэцэрлэг, 20 орчим их дээд сургуулийн 2015 оноос хойш азрын тооллогыг хийхэд нийт газруудын 70-80 хувь нь хууль бусаар хэн нэгний нэр дээр шилжигдсэн байна" гэлээ.
