Украины Ерөнхийлөгч Владимир Зеленский тус улсад цэргийн болон бүх нийтийн дайчилгааг сунгах тухай хуулийн төслийг Дээд Радад өргөн мэдүүлжээ. Хуулийн төслийн эх бичвэрүүд Украины парламентын цахим хуудсанд тавигдсан байна. Энэ талаарх өмнөх хуулиудын хүчинтэй байх хугацаа арваннэгдүгээр сарын 21-нд дуусах юм.
Үүнтэй холбоотойгор дайчилгааны болон байлдааны бэлэн байдлыг хэдий хугацаанд сунгах нь тодорхойгүй байна. Хамгийн сүүлд наймдугаар сард 90 хоногоор сунгасан нь ийнхүү удахгүй дуусах гэж байгаа юм.
Тодруулахад, Зеленский хоёрдугаар сарын 24-нд Украины Аюулгүйн зөвлөлийн яаралтай хуралдааны дараа тус улсад байлдааны байдал тогтоосон.
Түүнчлэн ОХУ-ын Ерөнхийлөгч В.Путин 10-р сарын 19-нд болсон Аюулгүйн зөвлөлийн хуралдаан дээр Херсон, Запорожье муж болон БНДАУ, БНЛАУ-д байлдааны цагийн байдал тогтоосноо мөн зарлав. Энэхүү дөрвөн бүс нутаг ОХУ-д нэгдэхээс өмнө тэнд цэргийн дэглэм аль хэдийн хэрэгжиж байсныг төрийн Путин энэ үеэрээ дурджээ. Тэрбээр "Одоо энэ дэглэмийг Оросын хууль тогтоомжийн хүрээнд албажуулах ёстой" гэж онцолжээ.
Эх сурвалж: Лента.ру
