Зовлон нь жаргал болж, жаргал нь зовлон болж дээ гэж Монгол өвгөд уулга алддаг.
Тэнэг хүн хад мөргөж, халуун чулуу долоож, хатуу зовлон үзэж ухаарна л гэдэг.
Өнөөдөр сүнсний баяр гэж учир утгыг нь үл мэдэх баярыг нүүр амнаасаа цус нөж гоожуулан, элдэв зүйлээр будаж, өөрийн биеэ гутаан доромжлох юмдаа.
Угтаа хүүхдэд бүү улай бүү үзүүл гэж зүгээр ч нэг хэлчихээгүй байлтай. Хүүхэд 16 нас хүртэл бие нь гүйцэт тамир тэнхээ суугаагүй эмзэг байдаг. Хэрэв тэр үед нь бие болоод сэтгэл нь гэмтвэл хатуу энэлэн тусна хэмээн сударт тэмдэглэсэн байдаг. Үр хүүхдэдээ хорио цээрийг сануулж байвал зохилтой.
Сүүлийн үед хүүхэд багачууд маань олноороо хатуу, хэцүү өвчин тусч байгаа нь харамсалтай.
Цээр нь цээжинд байг
Бүри нь бөгсөнд байг
Цээр хэмээх нь аливаа буруу, зөрүүг хориглох утга бүхий заалт билээ.
Бүри хэмээх нь хөх толбо бөгөөд Монгол хөх толбо нь бөгсөндөө л байж байг, хари хэлт буруу элэгтэнтэй гэр болж, цусаа бүү бохирдуул, бүри нь бөгсөндөө байвал та бүхэн мөнх байна аа л гэсэн утга шүүдээ.
Сүнс буюу Сүн эсний баяр тэмдэглэх гээд байвал өвөг дээдэстээ л залбирахад л болох юм даа.
Үзэгдэхүйн өнгөнд бүү авттугай
Үйлийн мөн чанарыг
Үтэр таньтугай
Монгол ёс заншил судлаач В.Эрдэнэсувд