УИХ-ын чуулганы нэгдсэн хуралдаан үргэлжилж байна. Хуралдаанаар “Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэж байна.
УИХ-ын гишүүн Ц.Мөнх-Оргил “ Сүүлийн үед нэг зүйл ажиглагдаад байх юм. Халамжаас хөдөлмөр гээд яриад байх юм. Үүний цаана ерөөсөө халамж байх ёсгүй юм шиг зүйл яриад байх юм. Байх ёстой шүү дээ. Хэрэгтэй хүндээ, зөв хүндээ халамж очиж байх ёстой. Сүүлдээ ярьсаар байгаад хүүхдийн мөнгө олгохгүй байх тухай яриад байх шиг. Дэлхийн банкнаас Хүүхдийн мөнгөний хөтөлбөр бол нэгдүгээрт халамжийн хөтөлбөр, Хоёрдугаарт, зөв хүндээ очиж байгаа зөв хөтөлбөр юм. Одоо хамгийн гол нь та нар зорилтот бүлгээ зөв тодорхойлоочээ л гэдэг шаардлага тавиад байгаа. Халамжаас хөтөлбөрт гэдэг зүйлээ зөв тодорхойлох хэрэгтэй. Тэгээд хөдөлмөр эрхлэлтээ дэмжих хэрэгтэй. Нэгийг нь нөгөөтэй нь уялдуулах хэрэгтэй” гэв.
Г.Бүжинлхам