УИХ-ын дөрвөн гишүүний бүрэн эрхийг түдгэлзүүлэх саналыг УЕП УИХ-ын даргад уламжилсан билээ. Энэ дагуу Их хурлын гишүүний халдашгүй байдлын дэд хорооны хуралдаан өнөөдөр боллоо. Хуралдаанаар гишүүдийн бүрэн эрхийг түдгэлзүүлэх эсэх асуудлыг хэлэлцэх бөгөөд УИХ-ын гишүүн Н.Алтанхуяг, Г.Амартүвшин, Х.Ганхуяг нарыг Хөгжлийн банктай холбоотой асуудлаар шалгахаар түдгэлзүүлэх санал гаргасан бол УИХ-ын гишүүн Ё.Баатарбилэгийг авлигатай холбоотой асуудлаар шалгахаар болсон гэгдэж буй.
УИХ-ын гишүүний Халдашгүй байдлын дэд хороо таван гишүүнтэй. Тэдгээрт Сү.Батболд, С.Бямбацогт, Б.Бат-Эрдэнэ, Ц.Мөнх-Оргил, даргаар Н.Энхболд нарын гишүүд ажилладаг юм байна. Харин өнөөдөр тус хорооны дарга Н.Энхболд өвчтэй гэсэн шалтгаанаар ажилдаа ирээгүй аж. Түүнийг өмнө нь ч ЖДҮ-ийн асуудлаар намын гишүүдээ өмөөрч авч үлдсэн нэгэн гэдэг бөгөөд энэ удаад ч бас сэмхэн зугтахыг илүүд үзэв бололтой.
