Ерөнхий сайдын Хэвлэлийн төлөөлөгч Ч.Болортуяа: "Улаанбаатар-Дарханы автозамын бүтээн байгуулалтын удаашралтай хэсэгт Зэвсэгт хүчний жанжин штабыг хүч нэмэн ажиллуулах шийдвэрийг Засгийн газрын өнөөдрийн хуралдаанаас гаргалаа.
Тус замын бүтээн байгуулалтыг 5 багцад хуваасан. Үүнээс өнгөрсөн оны эцэст нэгдүгээр багцын ажил 95 хувь, хоёрдугаар багц 20 хувь, гуравдугаар багц 98 хувь, дөрөвдүгээр багц 8 хувь, багц тав 99 хувийн гүйцэтгэлтэй байгааг ЗТХЯ-наас Засгийн газрын хуралд танилцуулсан. Мөн тус замыг ашиглалтад орох хүртэл хугацаанд ажлын багийг ахлан ажиллахыг Зам, тээврийн хөгжлийн дэд сайд Ж.Бат-Эрдэнэд үүрэг болгосон" гэдгийг Засгийн газрын хурлын шийдвэрийг танилцуулах хэвлэлийн хурлын үеэр онцлов.
