Ерөнхий сайд асан, УИХ-ын гишүүн Н.Алтанхуягийг болон Ё.Баатарбилэг, Г.Амартүвшин, Х.Ганхуяг нарыг бүрэн эрхээс нь түдгэлзүүлж шалгах хүсэлтийг УЕПГ-аас хүргүүлээд байгаа билээ. Уг асуудлаар өнөөдөр УИХ-ын гишүүний халдашгүй байдлын дэд хороо хуралдаж УИХ-ын гишүүн Н.Алтанхуяг хуралд түрүүлж орсон юм.
Тэрбээр хурлаас гарч ирсэний дараа сэтгүүлчдэд хэлэхдээ: Н.Алтанхуяг: Намайг УИХ-аас зайлуулахын тулд 9 жилийн өмнөх Засгийн газрын тогтоолоор яллах гэж байна. Намайг Хөгжлийн банкны асуудлаар бус Засгийн газрын хуралдааны дэг зөрчсөн асуудлаар бүрэн эрхийг түдгэлзүүлэх саналыг оруулж иржээ. Намайг 2013 онд Ерөнхий сайдаар ажиллаж байхдаа нүүрсний экспортыг
дэмжих талаар авах зарим арга хэмжээний тухай тогтоолыг батлахдаа Засгийн газрын хуралдааны дэг зөрчсөн гэж үзэн уг асуудлаар шалган бүрэн эрхийг нь түдгэлзүүлэх саналыг оруулж ирсэн байна." хэмээн мэдэгджээ.