Ё.Баатарбилэг нарын дөрвөн гишүүний бүрэн эрхийг түдгэлзүүлэх асуудлаар УИХ-ын гишүүний халдашгүй байдлын дэд хороо хуралдаж байна. Тус хуралдаанаар УИХ-ын гишүүн Х.Ганхуяг, Г.Амартүвшин, Н.Алтанхуяг, Ё.Баатарбилэг нарын бүрэн эрхийг түдгэлзүүлэхийг асуудлыг хэлэлцэж байгаа билээ. УИХ-ын Халдашгүй байдлын дэд хороог УИХ-ын гишүүн Н.Энхболд даргалдаг ба таван гишүүнтэй. Үүнд УИХ-ын гишүүн Сү.Батболд, Б.Бат-Эрдэнэ, Ц.Мөнх-Оргил, С.Бямбацогт нар багтдаг. Уг хорооны гишүүн Б.Бат-Эрдэнэ сэтгүүлчдэд хэлэхдээ “Миний байр суурь тодорхой. Гэмт хэрэгт холбогдсон УИХ-ийн гишүүд бүрэн эрхээ түдгэлзүүлээд хуулийн байгууллагад ажиллах бололцоог нь олгож шалгуулах хэрэгтэй” гэлээ. Б.Бат-Эрдэнэ гишүүн ямартай ч шалгуулах саналтай байгаа ажээ.