УЕП-оос УИХ-ын даргад УИХ-ын гишүүд болох Ё.Баатарбилэг, Г.Амартүвшин, Х.Ганхуяг, Н.Алтанхуяг нарын гишүүний бүрэн эрхийг түдгэлзүүлэх саналаа ирүүлсэн билээ. Өнөөдөр УИХ-ын Халдашгүй байдлын дэд хороо хуралдаж, хуулийн дагуу тав хоногийн дотор УИХ-ын чуулганаар хэлэлцэхээр болсон юм. Энэ талаар УИХ-ын гишүүн Д.Пүрэвдорж сэтгүүлчийн асуултанд хариулахдаа "Би бол парламентын засаглалыг илүү хүчтэй байгаасай гэж үздэг. Тийм ч учраас гишүүдийг түдгэлзүүлэх асуудал бол ихэвчлэн үйлдэл дээрээ гэмт хэрэг хийсэн хүмүүст асуудлыг зохицуулахаар оруулж ирсэн. Тэгэхээр энэ хүмүүс нэгэнт хийсэн хэрэг нь нотлогдсон, шалгагдаж явж байх үед заавал түдгэлзүүлэх шаардлагагүй гэж үздэг. Гэмт хэрэг хийсэн бол хариуцлагыг их хурлын гишүүд хүлээх ёстой. Тэгэхээр заавал түдгэлзүүлэхгүйгээр шүүхийн шийдвэрээр шийдэгдэж болно" хэмээлээ.
Мөн УИХ-ын гишүүн Н.Алтанхуягийг олонхоороо түдгэлзүүлж, өөрсдийнхнийгөө авч үлдвэл, ардчилсан оронд ийм зүйл байж болохгүй хэмээн байр сууриа илэрхийлэв.
