Намрын чуулганы ээлжит хуралдаан өнөөдөр /2022.10.14/ 10 цагт эхэллээ. Мэргэжлийн болон техникийн боловсрол, сургалтын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэх асуудлыг хэлэлцэж байна. БШУ-ны сайд Л.Энх-Амгалан боловсролтой холбоотой асуудлаар гишүүдийн асуултад хариулт өглөө.
Тэрбээр “ 200 мянган төгрөгийн тэтгэлэг бий болсноор мэргэжлийн болон техникийн боловсролд суралцагчдын хүсэл сонирхлыг жаахан дэмжсэн бодлого болсон. Гэхдээ сайны хажуугаар саар гэдэг шиг. Тэтгэлгийг далимдуулж халамжийн нэг хэлбэр болгосон нэг ийм гашуун сургамж байна. Гол асуудал бол мэдээллийнхээ дата баазуудыг их зөв бүрдүүлэх, зөв хяналт тавих шаардлагатай.
Энэ хуулийн амин сүнс нь түншлэлийн зарчим дээр үндэслэх ёстой. Түншлэлийн зарчим гэдэг бол ерөөсөө ажил олгогчид. Бусад улс орнууд ч гэсэн ийм тогтолцоо байгаад байгаа. Өмнө нь бол мэргэжлийн болон техникийн боловсролын тогтолцоог төр өөрөө зохицуулдаг байсан. Тэгээд хөдөлмөрийнхөө зах зээлийн эрэлт нийлүүлэлтийг ур чадварын, ажил олгогчдын эрэлт нийлүүлэлтийн бодлогоо нэгтгэж байсан тогтолцоо ерөөсөө байхгүй байсан. Одоо бол шинэчилсэн хуулиар мэргэжлийн үндэсний зөвлөл дээр илүү аж үйлдвэрийн танхим буюу аж үйлдвэрийн танхимын доор байгаа мэргэжлийн холбоотууд оруулдаг оролцоонуудыг хангаж өгдөг тогтолцоог бий болгох ёстой. Ажиллангаа сурах, сурангаа ажиллах хосмог тогтолцоо хэрэгтэй. Энэ тогтолцооны хамгийн гол чухал зүйлсийн энэ хуульдаа тусгаж өгсөн" гэлээ.
Г.Бүжинлхам