"Туркийн урсгал" хий дамжуулах хоолойд террорист халдлага үйлдэхийг завдсан хэд хэдэн хорлон сүйтгэгчдийг баривчилсан тухай Кремлийн албан ёсны төлөөлөгч Дмитрий Песков мэдэгдэв.
Песковын хэлснээр, хорлон сүйтгэгчдийг Оросын нутаг дэвсгэр дээрээс баривчилжээ. Урд өдөр нь ОХУ-ын Ерөнхийлөгч В.Путин хэлэлцээрийн үеэр Туркийн Ерөнхийлөгч Режеп Тайип Эрдоганд Украины тусгай албаныхан "Туркийн урсгал"-ыг дэлбэлэх оролдлого хийсэн тухай мэдэгдсэн юм.
“Хорлон сүйтгэгчид Туркийн урсгал руу аль хэдийн халдсан. Тэднийг барьж, улмаар хэд хэдэн хүнийг баривчилсан. Тэд хийн хоолойг дэлбэлэх оролдлого хийсэн. Ингэхдээ бүр манай нутаг дэвсгэр дээр” гэж Кремлийн хэвлэлийн төлөөлөгч хэлэв.
Үүнээс өмнө Путин, Эрдоган нар Астанад үр тарианы хэлэлцээр болон дэлхийн хамгийн ядуу орнуудад нийлүүлэх бүтээгдэхүүний талаар ярилцсан гэж Песков тэмдэглэжээ.
10-р сарын 13-нд Ерөнхийлөгч Путин Украины зүгээс хорлон сүйтгэх оролдлого хийсэн ч Туркийн урсгал хэвийн ажиллаж байна гэж мэдэгдсэн юм.
Эх сурвалж: Лента.ру
