УИХ-ын чуулганы нэгдсэн хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдлийг хэлэлцэж байна. Хуралдааны үеэр УИХ-ын гишүүн М.Оюунчимэг нийгмийн даатгалын тонтолцоотой холбоотой асуудлаар асуулт асуулаа. Тэрбээр “Бид нийгмийн даатгалын , эрүүл мэндийн даатгалын санг ашигтай ажиллуулах зорилго барьдаг. Нийгмийн даатгалын сангийн алдагдал дэндчихсэн байгаа.Тэгэхээр энэ алдагдлыг бууруулах тал дээр ямар өөрчлөлт орж байгаа вэ?” хэмээн асуулаа.
ЗГХЭГ-ийн дарга Д.Амарбаясгалан: Нийгмийн даатгалын сан алдагдалтай байгаа. Энэ чиглэл дээр Засгийн Газраас нийгмийн даатгалын сангийн алдагдлыг хэрхэн бууруулах чиглэлээр үе шаттай арга хэмжээг авахаас өөр аргагүй нөхцөл байдалд байна. Арга хэмжээ авахгүй байвал 2025 он гэхэд энэ сан нэлээдгүй өндөр эрсдэлтэй болох магадлалтай байгаа. Үүний эх үүсвэр бол тэтгэвэр олгож байгаа, тогтоож байгаа байдлын тооцооллыг бодитой хийж чадахгүй байгаагаас үүдэлтэй. Нийгмийн даатгалын сангийн алдагдлийг бодлого хэрэгжүүлж арилгах боломж байгаа. Хоёрдугаарт, тэтгэвэр цалингийн нэмэгдлийн асуудлыг ЗГ-ын зүгээс ирэх онд орж ирэх нийгмийн даатгалын багц хуулиудад тодорхой болгож оруулж ирэхээр зорьж байна” гэж хариуллаа.
Г.Бүжинлхам