Төрөөс Мөнгөний бодлогын талаар 2023 онд баримтлах үндсэн чиглэл батлах тухай улсын их хурлын тогтоолын төслийг хэлэлцэж байна.
УИХ-ын гишүүн Ж.Батсуурь: "Мөнгөний бодлого, Төсвийн бодлого хоёр бол нэг зоосны хоёр тал, цогц байх ёстой. Гэтэл та бүхний явуулах гэж байгаа бодлогын эсрэг төсөл өргөн баригдчихаад байна. Хатуу бодлого явуулна гэдэг чинь та бүхэн бодлогын хүүгээ бууруулна гэсэн үг. Бодлогын хүү бууруулахаар эдийн засаг царцана гэсэн үг. Арилжааны банкнууд зээл олгох боломжгүй болонгуут хүмүүс хадгаламжаа татна. Ингээд үхлийн гурвалжин гэдэг шиг эдийн засаг царцана. Эдийн засаг царцахаар татвар төлөх аж ахуй нэгж байхгүй болно. Татвар төлөх аж ахуй нэгж байхгүй болоод ирэхээр орлого орохгүй болно. Орлого орохгүй болохоор төсвийн алдагдал чинь улам нэмэгдэнэ. Ингэхээр инфляц нэг оронтой тоонд орохгүй. Бид ингэж төсөөлж байна гэсэн хандлагаар асуудалд хандах биш, харин Монголын ард түмний хувь заяаг шийдэх гэж байгаа төсөвт бодит байдлаар хандах тал дээр хандаач ээ. Бодлого батлах гишүүд чинь өнөөдөр ирээгүй байна. Ирэх жилд ер нь Монголын эдийн засаг ямар байх төлөвтэй байна вэ гэдгийг Монголбанк өөрөө харж чадахгүй байгаа юм биш үү” гэж хэллээ.
Г.Бүжинлхам