“Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэж байна. Хэлэлцэж буй асуудалтай холбогдуулан гишүүд асуулт асууж, хариулт авч байна.
УИХ-ын гишүүн С.Чинзориг “Эдийн Засгыг тогтворжуулах тал дээр шуурхай арга хэмжээ авмаар байна. Би бол таны тэр яриад байгаа үгэнд итгэхгүй байна. Ханш суларч байгаа буурч байгаа гээд. Шулуухан хэлэхэд энэ чинь аж ахуй нэгж, иргэд бүсээ чангалж байж л энэ ханш суларч байгаа шүү. Зээл олдохгүй байна. Юмны үнэ өсөөд байна. Тэгэхээр энэ инфляцын бууралт чин асар өндөр үнээр буурч байгаа шүү” гэлээ.
УИХ-ын гишүүн Ц.Даваасүрэн “100 хувь шахуу экспорт нэг орноос л хамаарч байна. Эдийн засгаа солонгоруулъя гээд яриад байдаг. Олон жил ингэж ярьлаа. Хятадад ямар нэг юм болоход манай улс шууд ханиахаар байна. Энийг ер нь та нар цаашдаа яаж дэмжих юм бэ. Хөгжлийн банкны өр ингээд чимээгүй болж байх шиг байна. Уг нь зээл авсан нөхдүүд төлөх ёстой. Гэтэл өнөөдөр өр зээлийг төр төлөх асуудал яригдаж байна. 2012 оноос өмнө 2 тэрбумын зээлтэй байсан, одоо 12,13 тэрбум долларын өрөө яаж төлөх юм бэ. Гэтэл одоо ахиад зээл авах тухай яриад байгаа юм. Хойд хормойгоороо урд хормойгоо нөхсөөр байгаад одоо хойд хормой чинь дууслаа. Ингээд өр зээлээ нэмээд хойч үедээ өр үлдээх гэж байгаа бол энэ бол гамшиг шүү. Энэ чинь үндсэндээ дампуурч эхлэж байгаа шинж шүү дээ” гэлээ.
Үүнд Монголбанкны Ерөнхийлөгч Б.Лхагвасүрэн“ Таньтай санал нэг байна. 2023,2024 онд өртийн дарамттай жил байна. 2025,2026 онд бол дарамт нь багасах тооцоо байгаа. Өрийг яаж удирдах вэ гэдэг асуудал болоод байгаа. Төв банкны зүгээс бол валютын нөөцийг буулгахгүй байх арриг гамтай байхыг нэг номерын асуудал бодлого болгон ажиллаж байна. Бэлтгэл ажилыг хангаад явж байна. Мөнгөний ыодлогыг хатууруулж байна гэдэг мань шинээр өр үүсгэхгүй байх арга хэмжээ юм” гэсэн хариулт өглөө.
Г.Бүжинлхам
