Монголбанкны Ерөнхийлөгч Б.Лхагвасүрэн өнөөдрийн УИХ-ын чуулганы үеэр төрөөс мөнгөний бодлогын талаар 2023 онд баримтлах үндсэн чиглэлийн төслийг танилцууллаа.
Тэрбээр төсөл танилцуулах үеэр “ Гадаад орчны таагүй нөхцөл байдал нь Монгол улсад шууд болон шууд бус замаар нөлөөлж өнгөрсөн 2 жилийн хугцаанд эдийн засгийн идэвхижил муу байлаа. Төсөв мөнгө санхүүгийн бодлогын арга хэмжээ үр дүнгээ өгч дотоод эрэлт эрчимжсэнээр 2022 оны эхний хагас жилд өмнөх оны мөн онтой харьцуулахад 1,9 хувиар тэлээд байна. Манай улсын хувьд нийт инфляцын 60-70 хувь нь тээвэр, гадаад үнийн нөлөөгөөр бий болж байна. Тиймээс 2023 онд инфляцыг нэг оронтой тоонд оруулах нь чухал юм. Энэ зорилтыг хангахад хэцүү хэдий ч экспортын орлогыг нэмэгдүүлснээр боломжтой. Энэ он гарснаас хойш бодлогын хүүг 6 нэгж хувиар нэмэгдүүлж, бодлогын тохиргоог хийсэн бөгөөд цаашид ч энэхүү дан ганц мөнгөний бодлогыг хатууруулах замаар асуудлыг шийдвэрлэх нь хувийн хэвшилд хохиролтой болох нь тодорхой.
Төсвийн өндөр зардал хямралын дараах эдийн засгийн сэргэлт зэрэг нь худалдааны тэнцэлд сөргөөр нөлөөлж байгааг онцлохыг хүсэж байна. Юуны түрүүнд улсын санхүүгийн нөөцийг хамгаалахад онцгой анхаарч хариуу төсөв мөнгөний бодлогыг хэрэгжүүлэх шаардлага өсөөд байна” гэсэн юм.
Г.Бүжинлхам