Олон Улсын гэрээний тухай хуулийн 14 дүгээр зүйлд, “Монгол Улсын Ерөнхийлөгч, Ерөнхий сайд болон Гадаад харилцааны асуудал эрхэлсэн Засгийн газрын гишүүн нь итгэмжлэлгүйгээр олон улсын гэрээ байгуулах асуудлаар хэлэлцээ хийх, олон улсын гэрээнд гарын үсэг зурах эрхтэй” гэж заасан байдаг. Гэтэл өчигдөр ЦХХХ-ны яамны дэд сайд Б.Болор-Эрдэнэ Японы ЖАЙКА олон улсын байгууллагатай “Кибер аюулгүй байдлын хүний нөөцийг хөгжүүлэх” техникийн хамтын ажиллагааны төслийн үндсэн бичиг баримтад гарын үсэг зуржээ.
Хуулийн хүрээнд ЦХХХ-ны яамны дэд сайд Б.Болор-Эрдэнийг олон улсын байгууллагатай шууд гэрээ байгуулах эрх зүйн чадамжгүй өөрөөр хэлбэл яам тэргүүлэх бүрэн эрхтэй албан тушаалтан биш гэдгийг тодорхой бичсэн байгаа бөгөөд дэд сайдын энэ үйлдэл ЗГ-ын түвшинд асуудал үүсгээд байна.
Энэ талаар ЦХХХ-ны сайд Н.Учрал тодорхой мэдээлэл өгөөгүй. Харин ЦХХХ-ны дэд сайд Б.Болор-Эрдэнэ энэ үйлдлээ тайлбарлахдаа гарын үсэг зурсан бичиг баримт нь “жирийн нэг сургалтын баримт бичиг” байсан гэж тайлбарлажээ.
Г.Бүжинлхам