УИХ-ын намрын чуулганы нээлтийн үеэр УИХ-ын дарга Г.Занданшатар болон ЗГХЭГ-ын дарга Д.Амарбаясгалан нар ТӨР БИЗНЕС ЭРХЛЭХ ҮҮ , ҮГҮЙ ЮУ гэдэг талаар ам зөрсөн мэдээллүүд хийж байна.
Тодруулбал: Нэг талаас УИХ-ын дарга Г.Занданшатар, ЕТГ-ын дарга Я.Содбаатар нарын 60, 70-аад оныхон “Төрийн байгууллагууд бүгд бизнес хийдэг байх ёстой” гэсэн байр сууриа илэрхийлээд байгаа. Харин Ерөнхий сайд Л.Оюун-Эрдэнэ болон ЗГХЭГ-ын дарга Д.Амарбаясгалан нарын нэг үеийн залуучууд хэд хэдэн удаа “ТӨР БИЗНЕС ЭРХЛЭХ ЁСГҮЙ” хэмээн мэдээлсэн байдаг.
Ингэж МАН-ынхан үе үеэрээ нийлж, нам дотроо үзэл бодлыг мөргөлдөөнд орж байгаа нь магадгүй ямар нэг албан тушаал, эрх мэдэлтэй холбоотой байх гэж хардахад хүргээд байна. Тухайлбал, МАН-ын 60,70-аад оны ахмадууд төр бизнес хийх хэрэгтэй гэсэн үгээр далимдуулан хөрөнгийг олон талд хуваан шамшигдуулах гэсэн санаа байж болох, нөгөө талаас МАН-ын залуучууд УИХ-ын даргаа унагаж өөрсдөө суудалд нь суух гэсэн санаархал ч байж магадгүй юм.
Уг нь ЗГХЭГ-ын дарга Д.Амарбаясгаланг Төр хувийн хэвшилтэйгээ өрсөлдөх ёсгүй гэж хэлсэнд иргэд, бизнес эрхлэгчид сайшаалтай хүлээж авч байсан. Учир нь энэ нь үйлдвэрлэлийг дэмжих, ажлын байрыг нэмэгдүүлэх үр дүнтэй арга гэж харж байв. Гэтэл УИХ-ын дарга Г.Занданшатар чуулганы нээлтийн үеэр өөр байр суурьтай байгаагаа илэрхийлж иргэдийг эргэлзэхэд хүргээд байна.
Г.Бүжинлхам
