Монгол охидын биеийг үнэлүүлж, бэлгийн мөлжлөгт оруулдаг байж болзошгүй, мөн 5 охиныг хил дамжуулан худалдсан гэх Сингапурын иргэний талаар ЭЦА-наас мэдээлэл өглөө.
Эрүүгийн цагдаагийн албаны Кибер гэмт хэрэгтэй тэмцэх хэлтсийн эрүүгийн ахлах мөрдөгч, цагдаагийн ахлах дэслэгч Н.Бямбабаяр "Сингапур улсын 64 настай иргэн нь Монгол Улсын охид эмэгтэйчүүдийн бэлгийн харьцаанд орж буй бичлэгийг нууцаар хийж, улмаар бичлэгээрээ заналхийлсэн. Мөн гадаад улсад биеийг нь үнэлүүлэх зорилгоор худал амлалт өгч, охид бүсгүйчүүдийг гадаад руу гаргасан байж болзошгүй талаарх мэдээллийн дагуу ЭЦА-наас кибер гэмт хэрэгтэй тэмцэх хэлтэс болон зохион байгуулалттай гэмт хэрэгтэй тэмуэх хэлтэс шалгасан. Улмаар өчигдөр буюу энэ сарын 29-нөөс мөрдөн шалгах ажиллагааг эхлүүлсэн. Сэжигтэй этгээдийг Баянгол дүүргийннэр бүхий зочид буудлаас баривчилж, хэргийн газрын үзлэгээр гар утас, зөөврийн компьютер, айпад, мемори карт, флаш, диск зэргийг тус тус хураан авч үзлэг хийж байна. Сэжигтэн этгээд болон хохирогч, гэрч нараас мэдүүлэг авч, мөрдөн шалгах ажиллагааг үргэлжлүүлж байна” гэлээ.
Цагдаагийн байгууллагаас охид эмэгтэйчүүдийг ямар нэгэн хүнтэй чатлах, эсвэл уулзахдаа тухайн хүнээ сайн судлахыг анхаарууллаа. Мөн гэмт хэргийн хохирогчид нь ихэвчлэн 1993-1984 байсан гэлээ. Эдгээр эмэгтэйчүүдийг Сингапур, Турк виз шаардагдахгүй улсад худалдаалсан байж болзошгүй нөхцөл байдал тогтоогдсон. Сэжигтнийг Эрүүгийн хуулийн 13.1, 12.1, 13.10, 13.5-ын дагуу шалгаж байна.
Г.Бүжинлхам
