Бээжин хотод халдварын байдал дахин хүндэрч, хоёрхон хоногийн дотор дөчин хэдэн тохиолдол илэрсэн байна. Халдварын ихэнх тохиолдол Бээжин хотын Чао Ян дүүрэгт илэрчээ. Ийнхүү тус дүүргийн ПСР шинжилгээ авах цэгүүд өглөөний 06.30-22.00 цагийн хооронд яаралтай ажиллаж байна.
Өчигдрийн байдлаар тус дүүрэгт ойрын хавьталтай 1230 хүн байгааг тогтоосон бол 14 газрыг хяналтад байлгаж, өнөөдрөөс тус дүүрэгт ажиллаж, амьдарч буй бүх иргэдийг дараалан 3 хоног шинжилгээнд хамруулах бөгөөд ПСР шинжилгээ өгсний дараа ажилдаа гарах хатуу шаардлага тавин ажиллаж байна.
