Украины Интерфакс агентлагийн мэдээлснээр 24-ний өдөр Америкийн хүнд даацын тээврийн нисэх онгоцууд Украины хилээс 90 километрийн л зайд орших Польшийн Ржешов хотод хүрчээ. Нэг хоногийн дотор зэвсэг техник ачсан 6 онгоц газардсанаас АНУ-ын агаарын цэргийн С- 17А цэргийн тээврийн 2 нисэх онгоц болон АНУ-ын Пентагоны түрээслэн хэрэглэж буй хэд хэдэн Боинг 747 зэрэг тээврийн онгоцууд газардсан байна.
АНУ-ын Ерөнхийлөгч Жо Байден 4-р сарын 21-нд, АНУ Украинд 800 сая ам.долларын аюулгүй байдлын нэмэлт тусламж үзүүлнэ гэж мэдэгдсэн бөгөөд АНУ-ын арми Польшийн Ржешов хотод цэргийн нисэх онгоцны буудал, цэргийн баазтай аж. Орос Украины мөргөлдөөний дараа АНУ тэргүүтэй НАТО-гийн орнууд Польшоор дамжин, хуурай замаар Украинд цэргийн тусламжийн бараагаа тээвэрлэсээр байна. Үүнтэй холбогдуулан Оросын тал Украинд зэвсэг нийлүүлж буй АНУ, НАТО-гийн тээврийн хэрэгслийг хууль ёсоор цэргийн цохилт өгөх бай болгохоо удаа дараа онцолжээ.
