ХНХ-ын сайд Д.Сарангэрэл Монгол Улсын нийт иргэдийн 30 гаруй хувийг “УЛНЫ АЙЛ” хэмээн хэлсэн үгэндээ тайлбар хийлээ.
Тэрбээр “НББ-ын хорооны хуралдаанаар Халамжаас хөдөлмөрт хэлэлцүүлгийн үеэр зорилтот бүлгийн айлуудаа “УЛНЫ АЙЛ” хэмээн нэрлэж болгоомжгүй үг хэллэгийн алдаа гаргасандаа хүлцэл өчиж байна. ХНХЯ гурван том шинэчлэл хийж байна. Хүн амаа хөдөлмөр эрхлэлтэнд шилжүүлэх, улмаар хүссэн цалин хөлсийг нь өгөх. Манай улсын ядуурлын түвшин 20 гаруй хувьтай байна. Энэ үед залуучуудыг яаж ажилтай болгох вэ гэдэгт анхаарч ажиллаж байна. Үүнд 1520 хүнийг ажлын байртай болгох ажил хэрэгжиж байна. Статистик судалгааг хийж байгаа. Судалгааг үндэслэн ажлын байрны сургалт явуулна. Харин 1500 хүнийг үсчингээр жишээ авч ярьсан . Түүнээс биш бүх хүнийг үсчин болгоно гэж хэлээгүй. Эдгээр иргэдийг сардаа ядаж сая төгрөг цаашдаа түүнээс дээш цалинтай болгох хөтөлбөр хэрэгжүүлнэ. Хязгааргүй, Хамгийн бага орлогтой гэдэг үг буюу “BOTTOM” гэдэг үгийг “УЛНЫ АЙЛ” гэж орчуулдаг гэж манай мэргэжилтэн хэлснийг би шууд хэлсэн нь миний үгний сонголтын буруу байсан” гэлээ.
Мөн мэдээллийнхээ үеэр Хөдөлмөр нийгмийн хамгааллын яам гурван том шинэчлэл хийж байна гэв. Үүнд:
Нийгмийн даатгалын шинэчлэл хийх: Залуучуудын хооронд нийгмийн даатгал төлөх нь амьдралд ямар хэрэгтэй юм бэ гэсэн яриа гараад байна. Энэ хүрээнд нийгмийн даатгалын шинэчлэл хийнэ. Энэ ажлыг ХНХЯ-ны Нийгмийн даатгалын хэлтсийн дарга Б.Батжаргал хариуцаж явуулна.
Тэтгэвэрийн шинэчлэл: Хувийн нэмэлт тэтгэвэрийн тогтолцоог хэрэгжүүлэх ажил хэрэгжиж байна. Иргэдийг хувийн тэтгэвэр авдаг болгохоор уулзалт хийж, холбогдох хуулийн төслийг бичиж дуусгасан. Залуучууд нэг төрлийн биш 2 төрлий тэтгэвэр авах боложтой болж байгаа гэлээ.
Цалингийн шинэчлэл: Төрийн албан хаагч ажлын үр дүн гүйцэтгэлд нь чиглэсэн цалингийн шинэчлэл хийнэ. Төрийн албанд ажиллаж байгаа залуучуудыг дэмжиж ажиллах. Хамгийн багадаа 6 жил ажилласан алба хаагч цалингийн нэмэгдэл авдаг. Тэгвэл үүнийг өөрчилж жил бүр цалингийн нэмэгдэлтэй болгох ажлыг хэрэгжүүлж, үр дүнд суурилсан урамшуулал нэмж олгох зэрэг ажлыг хэрэгжүүлнэ, ялангуяа хөдөө орон нутагт ажиллаж байгаа залуучуудыг дэмжинэ. Нгн ажлыг 2024 он гэхэд гүйцэт хэрэгжүүлж ажиллана гэлээ.
Г.Бүжинлхам