Францын Ерөнхийлөгч Эммануэль Макрон тус улсын Ерөнхийлөгчийн сонгуулийн хоёрдугаар шатанд ялалт байгуулж, тус улсын ерөнхийлөгчөөр дахин сонгогдлоо. Сонгогчдын саналын хуудсыг 100 хувь тоолж дууссаны дараа Э.Макрон 58,55 хувийг, түүний өрсөлдөгч Марин Ле Пен 41,45 хувийн санал авсныг Сонгуулийн хорооноос зарлажээ.
Ялалт байгуулсаныхаа дараа Э.Макрон францчуудад талархсанаа илэрхийлжээ. тэрбээр хэлсэн үгэндээ "Биднийг тайван бус цаг үе хүлээж байна. Гэхдээ л түүх болж үлдэнэ шүү дээ" гэжээ.
