Афганистаны түр засгийн газрын хэвлэлийн төлөөлөгч Мужахид 22-ны өдөр умард нутгийн Кундуз мужийн лалын сүмд дэлбэрэлт болж, 33 хүн амиа алдаж, 43 хүн шархадсан талаар мэдэгдлээ. Афганистаны "Dawn News Network" мэдээлснээр, халдлага өдрийн 14:30 цагийн үеэр болсон бөгөөд амиа алдсан болон шархадсан хүмүүсийг орон нутгийн эмнэлэгт хүргэсэн байна.
Амиа алдсан хүний тоо цаашид нэмэгдэж болзошгүй ажээ. Кундуз мужийн Имам Сахиб дүүргийн цагдаагийн дарга Хафиз Омар хэвлэлийнхэнд халдлага үйлдсэнийг баталсан ч амиа алдагсдын тоо болон бусад нарийн зүйлийг мэдээлээгүй байна.
