Засгийн газраас Монгол Улсын 2022 оны төсвийн тухай хуульд өөрчлөлт оруулах тухай хуулийн төслийг УИХ-д өргөн мэдүүлсэн билээ. Уг хуулийн төслийг дагалдуулан Төрийн хэмнэлтийн тухай хуулийн төслийн анх удаа боловсруулан өргөн барьсан барьжээ.
Төсвийн хэмнэлтийн тухай хуулийн төслийн онцлох заалтуудыг танилцуулвал:
Хуульд тусгайлан заагаагүй бол төрийн тусгай чиг үүрэг хэрэгжүүлдэг Засгийн газар, УИХ-ын харьяа агентлагуудаас бусад этгээд дэд, орлогч даргатай байхыг хориглоно.
Нийслэлийн Засаг дарга хоёр, аймаг, дүүрэг, сумын Засаг дарга нэгээс илүү орлогч даргатай байхыг хориглоно. Засгийн газрын агентлагийн дарга, төрийн болон орон нутгийн өмчит хуулийн этгээдэд зөвлөх чиг үүрэг бүхий орон тооны этгээд ажиллуулахыг хориглоно.
Гар утас, албаны бус автотээврийн хэрэгслийн шатахууны төлбөр, ээлжийн амралтаараа дотоодын амралт, сувиллын газарт эсхүл өөрийн болон эхнэр /нөхөр/-ийн төрсөн нутагт амрах тохиолдолд түүний очих, ирэх зардлыг, хэвлэл захиалгын төлбөр санхүүжүүлэхийг хориглоно. зэрэг заалтууд орсон байна.
Үүнээс "Төрийн албаны тухай хууль"-ийн 59.1.6-д “ээлжийн амралтаараа өөрийн, эсхүл эхнэр /нөхөр/-ийн төрсөн нутаг явах бол ирэх, очих замын зардлыг, эсхүл магадлан итгэмжлэл бүхий эмнэлгийн байгууллагын шийдвэрээр дотоодын сувилалд сувилуулах бол ирэх, очих замын зардлыг тухайн үед мөрдөж байгаа автомашин, төмөр замын үнэлгээгээр тооцож хоёр жилд нэг удаа олгох” гэж заалт олны анхаарлыг татаж, шүүмжлэлд өртсөн юм.
Гэхдээ уг хуулийн заалт огт хэрэгжиж байгаагүй, нэг ч төрийн албан хаагч уг нөхөн олговрыг авч байгаагүй аж. Тиймээс төсвийн хэмнэлтийн тухай хуульд тус "хэрэглэгддэггүй" заалтыг хүчингүй болгох агуулгыг тусгажээ. Тус хуульд 2017 онд М.Энхболдыг УИХ-ын даргаар ажиллаж байх үед "шинэчилсэн найруулга" хийгдсэн байна.
