АНУ-ын Конгрессын Төлөөлөгчдийн танхимын дарга Нэнси Пелоси Азийн орнуудаар хийсэн айлчлалаасаа буцаж ирээд анхны хэвлэлийн бага хурлаа хийнэ гэж "РИА Новости" мэдээллээ.
Энэ аяллынхаа хүрээнд Пелоси наймдугаар сарын 2-3-ны өдрүүдэд Тайваньд айлчилсан.
АНУ-ын Конгрессын Төлөөлөгчдийн танхимын дарга Нэнси Пелосигийн айлчлалын дараа Тайванийг тойрсон байдал хурцадлаа. АНУ-ын засаг захиргаа Бээжинд "нэг Хятад" бодлогыг тууштай баримтлахаа баталгаажуулсан боловч Пелоси өөрөө шийдвэр гаргадаг гэж мэдэгдээд айлчлалыг зогсоохоос зайлсхийжээ.
БНХАУ-ын дарга Ши Жиньпин АНУ-ын Ерөнхийлөгч Жо Байденд анхааруулж, "Галтай тоглох нь түлэгдэх эрсдэлтэй" гэж онцолж байв.
Нэнси Пелосигийн энэ айлчлалын дараа БНХАУ-ын зэвсэгт хүчин Тайванийн эргэн тойрон дахь усан болон агаарын орон зайн зургаан бүсэд "амьд" галын сургуулалт хийгээд буй.
Эх сурвалж: РИА новости
