АНУ-ын Ерөнхийлөгч асан Дональд Трампын Мар-а-Ларгогийн эдлэнд Холбооны мөрдөх товчоо нэгжлэг хийсэн нь эцсийн дүндээ улстөрчийн нэр хүндийг нэмэгдүүлж, Бүгд найрамдахчуудын дунд дэмжлэгийг бэхжүүлэхэд хүргэж болзошгүй гэсэн хувилбарыг Fox News-т ярилцлага өгсөн улс төрийн технологичид таамаглаж байна.
Трампын үед Цагаан ордны албаны ажилтан асан Энди Сурабиан мэдэгдэлдээ "Би өмнө нь Бүгд найрамдахчуудыг ийм их сэтгэл хөдлөлтэй байхыг хэзээ ч харж байгаагүй бөгөөд болсон явдал нь тус намынхан Трампыг өмгөөлж тойрон хүрээлэхэд хүргэх нь тодорхой" гэжээ. Ардчилсан намынхны экс ерөнхийлөгч рүү дайрсан бүхэн эцсийн дүндээ түүнийг дэмжигчид түүний зөв гэдэгт илүү итгэлтэй болоход хүргэж байгаа нь хачирхалтай гэж тэрээр тэмдэглэв.
Улс төрийн технологичдын үзэж байгаагаар, Холбооны мөрдөх товчооны хийсэн нэгжлэг нь Трамп нууц байж болзошгүй баримтуудыг Үндэсний архивт шилжүүлэлгүй гартаа байлгаж, улс төрийн хөзөр болгон тоглосон байж магадгүй гэсэн үндэслэлтэй холбоотой байж болзошгүй юм. Улс төрийн зөвлөх Майк Мадрид хэлэхдээ, "Энэ нь Трампыг дэмжиж байгаатай уялдан Бүгд найрамдах намыг дэмжих болно, ядаж богино хугацаанд Трамп хохирогч эсвэл хохирогчийн үүргийг гүйцэтгэнэ" гэж хэлэв.
Хариуд нь улс төрийн стратегич Брендан Штайнхаузер энэ үйл явдлын улмаас Холбооны мөрдөх товчоо болон Хууль зүйн яамны имижид ноцтой нөлөөлсөн гэж онцолжээ. Түүний хэлснээр, 2016 оны сонгуульд ОХУ хөндлөнгөөс оролцсон байж болзошгүй гэсэн мөрдөн байцаалт зэрэг хэд хэдэн шалтгааны улмаас эдгээр байгууллагад итгэх итгэл буурсан.. Мар-а-Лаго руу хийсэн Холбооны мөрдөх товчооны дайралт нь бусад нэр дэвшигчдийг таслан зогсоож, Ерөнхийлөгч Жо Байден болон Ардчилсан намынхан Трампыг дахин нэр дэвшихийг зогсоохыг оролдож байгаа мэт сэтгэгдэл төрүүлж болзошгүй гэдэгтэй олон шинжээч санал нэг байна.
Өмнө нь Трамп Байденыг Холбооны мөрдөх товчооны төлөвлөгөөний талаар мэдэж байсан гэж буруутгаж байсан. Америкийн удирдагч агсны хэлснээр түүний эдлэнд нэгжлэг хийсэн нь Ардчилсан нам түүнийг 2024 онд болох Ерөнхийлөгчийн сонгуульд оролцохын эсрэг байгаагийн нотолгоо гэв.
Үүний зэрэгцээ Цагаан ордны хэвлэлийн нарийн бичгийн дарга Карин Жан-Пьер хэлэхдээ, Холбооны мөрдөх товчоо Байден болон түүний засаг захиргаанд хэн нэгний үл хөдлөх хөрөнгөд нэгжлэг хийх гэж байгаа талаар мэдээлээгүй гэжээ.
Эх сурвалж: Лента.ру
