Хойд Солонгосын удирдагч Ким Чен Ун “цөмийн зэвсэгт хүчнээ” хэзээ ч дайчлахад бэлэн гэж мэдэгджээ. Энэ тухай Ёнхап агентлаг Хойд Солонгосын төрийн мэдлийн хэвлэлээс иш татан мэдээлэв.
Түүнчлэн Өмнөд Солонгосын эрх баригчид БНАСАУ-д “урьдчилан цохилт” өгч, цэргийн чадавхийн зарим хэсгийг саармагжуулах боломжтой гэж үзэж байгаа бол эндүүрэл хэмээн онцолжээ.
"Ийм аюултай оролдлогыг манай хүчирхэг арми нэн даруй зогсоож, Юн Сок Ёолын (Өмнөд Солонгосын Ерөнхийлөгч.) дэглэм болон түүний зэвсэгт хүчнийг устгах болно" гэж Ким Чен Ун онцлон тэмдэглэв.
Өмнө нь Өмнөд Солонгос, Япон, АНУ-ын Гадаад хэргийн сайд нар БНАСАУ-ын цөмийн болон пуужингийн заналхийллийг нэн тэргүүнд шийдвэрлэх ёстой хамгийн чухал асуудал гэж нэрлэсэн юм. Тэд “БНАСАУ-ын өдөөн хатгасан үйл ажиллагаанд дэлхийн хамтын нийгэмлэгээс шийдвэртэй хариу өгөхийн тулд” бүхий л хүчин чармайлтаа гаргахаар тохиролцсоод байгаа юм.
Эх сурвалж: АиФ