Ерөнхийлөгч Путин Туркийн Ерөнхийлөгч Эрдогантай наймдугаар сарын 5-нд Сочи хотноо хэлэлцээ хийнэ
Туркийн Ерөнхийлөгч Режеп Тайип Эрдоган наймдугаар сарын 5-нд Сочид айлчлахаар төлөвлөж байна гэж TRT Haber телевиз мэдээллээ.
Энэхүү мэдээнд дурдснаар “Ерөнхийлөгч Режеп Тайип Эрдоган наймдугаар сарын 5-нд Сочид нэг өдрийн айлчлал хийнэ" гэжээ.
Тэрбээр энэхүү айлчлалынхаа үеэр ОХУ-ын Ерөнхийлөгч Владимир Путинтэй хэлэлцээ хийх төлөвтэй байна. Хоёр орны удирдагчид Украины нөхцөл байдал болон хүнсний бараа бүтээгдэхүүний худалдаа арилжааны талаар хэлэлцэх юм.
ОХУ-ын удирдагчийн хэвлэлийн нарийн бичгийн дарга Дмитрий Песков РИА Новости агентлагт Путин Эрдоганыг наймдугаар сарын 5-нд Сочи хотноо хүлээн авна гэдгийг баталжээ.
7-р сарын 22-нд Истанбул хотноо хоёр баримт бичигт талууд гарын үсэг зурсан юм. Үүнд: Украины боомтуудаас үр тариа, хүнсний бүтээгдэхүүнийг аюулгүй тээвэрлэх санаачилга, мөн ОХУ, НҮБ-ын Нарийн бичгийн дарга нарын газар хооронд Оросын хүнсний бүтээгдэхүүн, бордоог дэлхийн зах зээлд сурталчлахад дэмжлэг үзүүлэх тухай харилцан ойлголцлын санамж бичиг. гэсэн хоёр багц баримт бичигт гарын үсэг зурсан юм.
Тодруулбал, Украины үр тариа, хүнс, бордоог гурван боомтоор Хар тэнгисээр дамжин экспортлох тухай ярьж байгаа юм. ГХЯ-ны мэдээлснээр уг санаачилгын талууд нь Орос, Турк, Украин бөгөөд харин НҮБ дэмжих үүрэг гүйцэтгэх юм.
Хоёр орны удирдагчдын өмнөх хэлэлцээ 7-р сарын 19-нд Тегеранд Астанагийн дээд хэмжээний уулзалтын хүрээнд болсон юм. Тэд мөн Ираны Рахбар Али Хаменеи, Ерөнхийлөгч Ибрахим Раиси нартай уулзсан юм.
Эх суррвалж: РИА новости