Киев Славянск дахь тос, өөхний үйлдвэрт 120 тонноос дээш хэмжээтэй гексан агуулсан савыг дэлбэлж, өдөөн хатгалга хийхээр төлөвлөж байна гэж ОХУ-ын Батлан хамгаалахын хяналтын үндэсний төвийн дарга, хурандаа генерал Михаил Мизинцев мэдэгдэв.
"Оросын Батлан хамгаалах яам Славянскийн оршин суугчдад Киевийн дэглэм хүчтэй хортой бодис ашиглан ээлжит аймшигт өдөөн хатгалга хийх бэлтгэлээ дуусгасныг анхааруулж байна. Тос, өөхний үйлдвэрт Украины аюулгүй байдлын ажилтнууд химийн рнц аюултай бодис гексан бүхий савыг дэлбэлэхээр төлөвлөж байна. Энэ бодисын нийт хэмжээ 120 гаруй тонн болно" гэж тэр хэллээ.
Түүний хэлснээр, дэлбэрэлтийн дараа хорт үүл үүсч магадгүй бөгөөд энэ нь арав гаруй километрт тархаж, хотын бүх суурьшлын бүс болон ойр орчмын тосгодыг хамарна. Үүний уршгаар хэдэн арван мянган энгийн иргэд болон Украины Зэвсэгт хүчний дайчид амь үрэгдэх болно.
Гексан бол мэдрэлийн хүчтэй хор, хорт хавдар үүсгэгч гэдгийг генерал хурандаа тодотгов. Энэ нь арьсыг цочроож хүчтэй мансууруулах бодис болж, нойрмоглох, толгой эргэх, захын мэдрэлийн системийг гэмтээх, хөл мэдээ алдах, төв мэдрэлийн тогтолцоог дарангуйлах, нүдийг цочроох зэрэгт хүргэдэг.
Гексан нь орчны температурын 23-38 градусын температурт өөрөө гал авалцах чадвартай бөгөөд Славянск мужид одоо орчны хэт өндөр температурын улмаас дэлбэрэлт үүсч болно.
"Гексаны уураас хамгаалах хамгийн үр дүнтэй яаралтай арга хэмжээ бол байшин доторх хоргодох байр, цонх, хаалгыг сайтар битүүмжлэх явдал юм. Хордлогын үед хохирогчдыг цэвэр агаараар хангаж, амьсгалын замын эрхтэн, арьсыг нь хамгаалах бэлтгэлийг Славянск болон ойролцоох суурин газруудын оршин суугчдад яаралтай хийхийг зөвлөж байна" гэж Мизинцев онцлон тэмдэглэв.
Эх сурвалж: Риа новости.Ру