Их Британийн Гадаад хэргийн сайд Лиз Трасс тус улс Хятадтай харилцахдаа Орос улсад гаргасан “алдаа”-г давтахгүй байхыг засгийн газраасаа уриалав. Энэ тухай Трасс Ерөнхий сайдад нэр дэвшээд байгаа Сангийн яамны сайд асан Риши Сунактай сонгуулийн өмнөх мэтгэлцээний үеэр хэлжээ. Мэтгэлцээнийг орон нутгийн телевизээр дамжуулсан юм.
Миний бодлоор бид Оросоос стратегийн хувьд хамааралтай болсон алдаагаа давтахгүй байх ёстой гэж ГХЯ-ны тэргүүн байр сууриа тайлбарлав.
Трасс хэлэхдээ, түүний удирдаж буй яам "дарангуйлагч дэглэм"-ийн талаар хатуу байр суурь баримталж байна.
Мэтгэлцээний үеэр хоёр сайд бие биенээ өмнө нь Хятадтай "хэт ойр байсан" гэж буруутгасан.
Трасс өмнө нь Лондонг Украины мөргөлдөөнд хөндлөнгөөс хэт оролцоход бэлэн биш гэж мэдэгдэж байв. Тэрбээр мөн Их Британийн Тэнгисийн цэргийн флотын хөлөг онгоцуудыг Хар тэнгис рүү үр тариа тээвэрлэх хөлөг онгоцуудыг дагалдан явуулахыг зөв гэж үзэхгүй байгаагаа тэмдэглэв.
Эх сурвалж: NEWS.ru