Польшийн алдарт бөх Вацлав Циолковскийгийн нэрэмжит "Poland Open" чөлөөт бөхийн олон улсын "А" зэрэглэлийн тэмцээн өчигдөр Польшийн нийслэл Варшавт нээлтээ хийлээ. Тэмцээний эхний өдөр манай улсаас Иван Ярыгиний "Алтан Гранпри" болон "Монголиа Опен" ОУТ-ий хүрэл медальт, улсын хошой аварга, "Алдар" спорт хорооны тамирчин ОУХМ Цэвээнсүрэнгийн Цогбадрах 65 кг-ын жинд мөнгөн медалийн эзэн болжээ.
Тэрбээр Варшавт "Алдар" спорт хорооны дасгалжуулагч , МУГТ Г.Мандахнарангийн удирдлага дор ганцаараа барилдсан бөгөөд жиндээ нийт дөрвөн барилдаан хийж финалд эзэн орны бөх Эдуард Григорьевт ялагджээ.
