Өчигдөр Ираны нийслэл Тегеран хотод Иран, ОХУ, Туркийн ерөнхийлөгч нар уулзсан билээ. Астанагийн уулзалтаар нэгэн сонирхолтой зүйл ажиглагдсан тухай дэлхийн улс төр судлаачид ид хэлэлцэж байна.
Дэлхийн улс орнуудын удирдагчидтай уулзахдаа хоцорч, удаан хүлээлгэдгээрээ алдартай ОХУ-ын ерөнхийлөгч Владимир Путин энэ удаа эсрэгээрээ Туркийн ерөнхийлөгч Р.Эрдоганыг багагүй хугацаанд хүлээсэн нь хэвлэлүүдийн дуранд өртжээ.
Телевизийн камеруудын өмнө В.Путин Р.Эрдоганыг хүлээн 50 секунд орчим хугацаанд зогссон нь Украины дайн эхэлснээс хойш тэдний харилцаанд ямар өөрчлөлт гарсныг харуулсан хэрэг гэж ажиглагчид дүгнэж байна.
Өмнө нь Туркийн ерөнхийлөгч Рэжэп Тайип Эрдоган 2020 онд Москвад айлчлахдаа В.Путинийг хоёр минут орчим хугацаанд хүлээж байжээ.