Сүүлийн хоногуудад Орос даяар коронавирусын өвчлөл нэмэгдэж байна. Гэхдээ энэ нь 2021 оны эцсээр байсан шиг тэсрэх аюултай биш гэж Роспотребнадзорын Эпидемиологийн төв судалгааны хүрээлэнгийн дэд захирал, Оросын ШУА-ийн корреспондент гишүүн Александр Горелов мэдэгдсэнийг РИА Новости агентлаг иш татав.
Сүүлийн хоёр долоо хоногт ОХУ-д Алс Дорнодыг эс тооцвол бараг хаа сайгүй өвчлөл нэмэгджээ.
Холбооны шуурхай штабын мэдээлснээр ОХУ-д сүүлийн нэг өдрийн дотор коронавирусын халдварын 5685 шинэ тохиолдол бүртгэгдсэн байна. Энэ нь тавдугаар сарын эхнээс хойшхи хамгийн өндөр үзүүлэлт юм.
Сүүлийн 24 цагийн дотор 1110 хүн хэвтэн эмчлүүлж, 4317 хүн эдгэрч эмнэлгээс гарсан.Мөн тухайн өдөр 37 хүн халдварын хохирогч болсон байна.
Москвад 1670 хүн коронавирусын халдвар авсан байна. Нийслэлд өдөрт 159 хүн хэвтэн эмчлүүлж, 989 хүн эмнэлгээс гарч, найман хүн коронавирусээр нас баржээ.
Росздравнадзорын тэргүүн Алла Самойлова өмнөх өдөр тус улсад өвчлөл нэмэгдэж байгаатай холбогдуулан бүс нутгийн штабуудын ажлыг сэргээж, оросуудыг вакцинжуулах ажлыг эрчимжүүлэх шаардлагатай гэж мэдэгдсэн юм. Тэрбээр орон нутгийн байгууллагуудад бүс нутгийн удирдлагуудтай хамтран коронавирусыг эмчлэхэд шаардлагатай эмийн бэлэн байдлыг шалгаж, хангалттай тооны вакцинжуулалтын цэгүүдийг байгуулахыг даалгав.
Эх сурвалж: New.ru