Хөгжлийн банкны хянан шалгах түр хороог УИХ-ын 11 гишүүний бүрэлдэхүүнтэй байгуулж анхны хуралдаанаа хийлээ. Тус хорооны даргаар УИХ-ын гишүүн Ж.Сүхбаатарыг 75 хувийн саналаар сонголоо. Тус банкны хянан шалгах түр хороонд УИХ-ын гишүүн Д.Батлут, Э.Батшугар, Б.Бат-Эрдэнэ, Ж.Бат-Эрдэнэ, Л.Мөнхбаатар, Ц.Мөнхцэцэг,Ж.Сүхбаатар, Б.Энхбаяр, Ж.Батсуурь, Н.Ганибал, Т.Доржханд нар багтжээ.
Хөгжлийн банкны чанаргүй зээлийн асуудлууд, буруутай этгээдүүдийн нийгэмд учруулсан хохирлыг нь нөхөн төлүүлэх, шийтгэл ногдуулах, шударга ёсны зарчмыг хэрэгжүүлэхийг ард иргэд шаардаж буй. Нийгмийн энэхүү хүлээлтийг биелүүлэхээр Монгол Улсын парламент түүхэндээ анх удаагаа Хянан шалгах түр хороог байгуулсан. Өнөөдөр түр хорооны анхны хуралдаан болж, тогтоолын төслийг баталлаа.
