Өнөөдөр УИХ-ын гишүүн С.Одонтуяа, Т.Доржханд нар мэдээлэл хийлээ.
УИХ-ын гишүүн Т.Доржханд "Улс төрийн намууд санал нэгтэйгээр Үндсэн хуульд өөрчлөлт оруулахаар нэгдэж байна. Жагсаал хийсэн залуусын хүсэж байгаа зүйл маш энгийн, тодорхой.
Нэгт, амьдрах боломж гаргаж өгөөч ээ.
Хоёрт, хулгайгаа шийдэж өгөөч ээ.
Гуравт, үзэл бодлоо илэрхийлэх эрхийг нь шийдэж өгөөч ээ гэж шаардаж байна. Өнөөдөр төсвийн тодотголыг 5-10 хувийн байдлаар хэмнэж оруулж ирэх юм бол хүлээж авахгүй. Хамтдаа сууж байгаа хаврын чуулганаар Үндсэн хуулийн өөрчлөлтийг, системийнхээ өөрчлөлтийг хийцгээе. Авилга, хулгайгаас салахын тулд УИХ-ын гишүүдийн тоог нэмье. Гишүүдийн тоог нэмбэл зардал нэмэгдэнэ гэсэн тархи угаалтаасаа одоо салцгаая. Судалгаагаар 150-215 гишүүдтэй байх юм бол кнопны үнэ цэнэ буурна. Цөөн гишүүд байх тусам авилга, хулгай ихсээд байна. Гишүүний цалин 3,5 сая байдаг. Гишүүдийн тоог өсгөвөл 2-3 тэрбум төгрөгний цалин нэмэгдэнэ.
Тиймээс Үндэсэн хуулийг өөрчлөх талаар төрийн гурван өндөрлөгт шаардлага хүргүүлж байна" хэмээлээ.
Ийнхүү улс төрийн зарим нам, эвсэл нэгдэж төрийн гурван өндөрлөгт шаардлага хүргүүлэхээр болжээ.
