Монгол Ардын намын 100 жил дуулиантай үргэлжилсээр байна. Ардын хувьсгал ялаад 100 жил болсон гэж сайрхдаг ч модон жорлонгоосоо салаагүй монголчуудын найр наадмын үргэлжлэлийг өнгөрсөн 7 хоногт Ардын намын дэргэдэх залуучуудын байгууллага НАМЗХ үргэлжлүүлж 100 жилийнхээ ойг хийжээ.
Дархан-Уул аймгийн НАМЗХ-ны залуус ч бас дутсангүй Хонгор суманд байрлах “Гүнж” жуулчны баазад 100 жилийн ойгоо нүсэр тэмдэглэжээ. Тус аймгийн НАМЗХ-ны тэргүүн, аймгийн засаг даргын орлогч Ж нь нууц амрагтайгаа хамт байсан гэх асуудлаар эхнэртэйгээ маргалдаж, улмаар Ж согтуугаар эхнэрээ автомашинаар дайрсан ноцтой хэрэг гарсан гэнэ.
Машинд дайруулсан Ж-гийн эхнэр нь аймгийн сэхээн амьдруулах тасагт ухаангүй хүргэгдсэн ба аймгийн орлогч, НАМЗХ-ны дарга Ж-г цагдаагийн байгууллага саатуулсан аж.
Гэвч аймгийн Засаг дарга Б.Азжаргал өнөөдрийг хүртэл уг онц ноцтой хэргийг эрх мэдлээ ашиглан олон нийтээс нууцлан дарж , өөрийн орлогчоо уг хэргээс цэвэр мултлахаар оролдож байгаа бололтой. Олон нийтийн дунд "Ажил хэрэгч, шударга, шуурхай" хэмээн үнэлэгдэж буй Засаг дарга Б.Азжаргал та ард түмнийг төлөөлж шударга ёс сахиулж буй төрийн өндөр албан тушаалтны хувьд байж боломгүй гэмт үйлдэлтэй эвлэрч хаацайлахыг оролдвол Дархан-уул аймгийн иргэд, олон түмэн тантай хариуцлага тооцно шүү гэдгийг хатуу сануулъя!!!!!!!!
Уг ноцтой асуудлыг холбогдох хууль хяналтын байгууллагууд нэн даруй яаралтай шалгана уу!
