Сэлэнгэ аймгийн Сүхбаатар сумын Баянхан багийн 4 дүгээр гудамжны цахилгааны тулгуур багана дээр 1 иргэн согтуугаар гарсан, унаж болзошгүй байна гэсэн дуудлагыг тус аймгийн онцгой байдлын алба өчигдөр 06.22-ны өдрийн 21:40 цагт хүлээн авчээ.
Эрэн хайх, аврах ангийн алба хаагчид тухаййн газар очиход иргэн О /47 настай, эрэгтэй/ согтуугаар Сүхбаатар-Алтанбулаг чиглэлийн цахилгаан дамжуулах агаарын шугамын 35 кв-ын 25 метрийн өндөртэй тулгуур багана дээр гарсан /амиа хорлож болзошгүй/ байсан тул Сүхбаатар-Алтанбулаг чиглэлийн хүчдэлийг 22:10 цагаас 00:30 цаг хүртэл тэжээлээс нь салгуулж, нийт 3 цаг ярилцлага хийн тухайн иргэнийг эсэн мэнд буулгажээ. Тухайн иргэнийг Сэлэнгэ аймгийн Цагдаагийн газрын жижүүрийн мөрдөгчид хүлээлгэн өгсөн байна. Ярилцлага хийсэн 3 цагийн хугацаанд тухайн орчмын айлууд тоггүй байжээ.
